Aron: Menn mættu ekki undirbúnir til leiks

„Við erum búnir að spila frábærlega í vetur, bæði í deildinni, bikar og evrópukeppni. Liðið búið að sýna mikinn stöðuleika og einbeitingu en það var ekki til staðar í dag," sagði Aron Kristjánsson, þjálfari Hauka eftir tap gegn HK í kvöld og fyrsta tap liðsins í vetur staðreynd.

HK voru allan tímann með leikinn í höndunum og aldrei spurning hvort liðið tæki öll stigin í kvöld. Aroni fannst ekki ganga upp í kvöld.

„Menn mættu hreinlega ekki undirbúnir í leikinn og því fór sem fór. Það var alveg sama hvað við reyndum og hverjir voru að spila þetta var bara ekki nógu gott. Markvarslan var ágæt en sóknarleikurinn herfilegur," sagði Aron að lokum.