Michael Schumacher: Titilinn er markmiðið

Þjóðverjinn Michael Schumacher segir að Mercedes liðið hafi allt sem til þarf til að ná meistaratitilinum í Forúlu 1 á árinu, enda varð Ross Brawn meistari með Brawn liðinu sem er grunnur Mercedes.

"Ég held að með reynsllu Ross Brawn og því sem gerðist á síðasta ári, reynslu liðsmanna, Mercedes og þekkingu þeirra, auk mín. Þá séu okkur allir vegir færir. Það er aðeins eitt markmið", sagði Schumacher í samtali við blaðamenn á kynningu Mercedes í dag.

"En það er eitt að vera með markmið og annað að ná því. Ég er sannfærður um eigin getu og ég get ekki beðið eftir næstu viku og æfingunum á Spáni. Hálsinn er í lagi og ég keyrði GP 2 bíl og hef undirbúið mig af kostgæfni."

Schumacher segir að Brawn hafi áður reynt að fá hann til Brawn liðsins, en Schumacher var ekki ginnkeyptur fyrir því að keyra fyrir Honda á sínum tíma, þegar Brawn tók við liðinu.

"Við höfium alltaf haldið sambandi og stundum var hann að gantast með endurkomu mína, stundum ekki. Hann rétt minntist á þetta í Abu Dhabi í fyrra og hringdi svo í mig síðar. Ég vissi að hann myndi spyrja mig", sagði Schumachher sem sló til, Ferrari mönnum til ama. En Ferrari menn fagna þó að Schumacher ætli að keyra hefja áhorf á hærri stall, eins og er viðbúið með endurkomu hans.