Ótti veldur því að Danir spara sem aldrei fyrr

Stór hluti af þessari upphæð eða 87,7% tilheyrir almennum launþegum og ellilífeyrisþegum. Jyllands Posten fjallar um málið undir fyrirsögninni „Óttinn fær okkur til að spara sem aldrei fyrr". Þar er vitnað í nýjar tölur frá seðlabanka landsins, Nationalbanken, sem sýna að innistæðurnar hafa aukist um 74 milljarða danskra kr. á einu ári, það er á milli mars 2008 og mars í ár.

Tölur Nationalbanken sýna að meðal Daninn á nú 36 þúsundum danskra kr. meira inn í banka en hann hefur tekið að láni frá bankanum.

Hagfræðingurinn Las Olsen hjá Danske Bank segir að þessar upphæðir eigi sér þá skýringu að eðlilegt sé að spara þegar kreppuástand varir. „Þegar maður er í vafa um hvort með hafi vinnu eftir hálft ár er það góð hugmynd að eiga einhvern sjóð í bakhöndinni," segir Olsen.

Skuggahliðin á þessum sparnaði er að á meðan peningarnir liggja inn á bankabók er ekki verið að nota þá til neyslu og þar með auka umsvifin í hagkerfinu. „Neytendur eiga þessa peninga en velja að nota þá ekki," segir Olsen en bætir því við að þegar neytendur þora loks að nota peningana sé von á góðri uppsveiflu í hagkerfinu.

Fram kemur í frétt Jyllands Posten að aukningin á innlánunum milli 2008 og 2009 sé einkum á óbundnum reikningum sem hægt er að grípa til án fyrirvara.