L´Oreal losar sig við Andie MacDowell

Leikkonan Andie MacDowell er ekki lengur andlit snyrtivörurisans L´Oreal. Hin fimmtuga bandaríska leikkona var látin róa og í staðinn hefur L´Oreal ráðið hina tíu árum yngri bresku leikkonu Rachel Weisz.

Andie MacDowell var í áraraðir andlit L´Oreal fyrir Revitalift snyrtivörulínuna enda þykir hún hafa með afbrigðum slétta og fallega andlitshúð.

Í umfjöllun um málið á business.dk er haft eftir hinu nýja andliti, Rachel Weisz, að hún sé stolt af því að hafa verið valin í þetta hlutverk. „Það er heiður fyrir mig að vera orðin nýr sendiherra og fulltrúi fyrir L´Oreal París," segir Weisz.