Viðskipti erlent

Teva bauð töluvert meir en Actavis í Ratiopharm

Stærsta samheitalyfjafyrirtæki heimsins, Teva frá Ísrael, bauð talsvert hærra verð en Actavis fyrir þýska samheitalyfjafyrirtækið Ratiopharm. Samkvæmt frétt á Bloomberg mun Teva verða tilkynnt sem hinn nýji eigandi Ratiopharm á blaðamannafundi eftir hádegið.

Samkvæmt frétt Bloomberg bauð Teva 3,5 milljarða evra en áður hafði komið fram á Reuters að tilboð Actavis hafi numið 3 milljörðum evra sem var verðmiðinn sem Merckle fjöldskyldan setti á þessa eign sína.

Þetta er stærstu kaup hjá Teva síðan fyrirtækið keypti Barr Pharmaceuticals fyrir 7,4 milljarða dollara árið 2008.

Eftir að fréttir bárust um að Teva hefði sigrað bæði Actavis og Pfizer í baráttunni um Ratiopharm hækkuðu hlutir í Teca um 2,5% í kauphöllinni í Tel Aviv.







Mest lesið


Fleiri fréttir

Sjá meira


×

Mest lesið