Vaxandi áhyggjur af þjóðargjaldþroti Grikklands

Þetta eru niðurstöður könnunnar á vegum Bloomberg fréttaveitunnar en 73% aðspurðra telja að Grikkland muni lenda í greiðslufalli með lán sín frá ESB og Alþjóðagjaldeyrissjóðnum. Sá lánapakki í heild hljóðar upp á 110 milljarða evra eins og kunnugt er.

Í könnuninni kom einnig fram að 40% aðspurðra töldu að Grikklands myndi neyðast til þess að yfirgefa evrumyntbandalagið vegna skuldastöðu sinnar. „Það er raunverulega hætta til staðar á því að það kvarnist úr evrusamstarfinu," segir Geoff Marson hjá fjárfestingafélaginu Odey í samtali við Bloomberg.

Við þetta má bæta að samkvæmt CMA gagnveitunni stendur skuldatryggingaálag Grikklands nú í tæpum 800 punktum og þar eru taldar ríflega 47% líkur á þjóðargjaldþroti landsins.