Hlynur og Signý voru valin best á Lokahófi KKÍ í kvöld

Miðherjar Íslandsmeistaraliðanna, Hlynur Bæringsson í Snæfelli og Signý Hermannsdóttir í KR, voru í kvöld valin leikmenn ársins á Lokahófi Körfuknattleiksfólks á Broadway.

Hlynur og Signý voru bæði að fá þessi verðlaun í annað skiptið, Signý var einnig valin best í fyrra og Hlynur hlaut þessi verðlaun fyrir tveimur árum. Hlynur og Signý náðu bæði langþráðu takmarki á þessu tímabili því þau urðu þá Íslandsmeistarar í fyrsta sinn á ferlinum.

Guðbjörg Sverrisdóttir úr Hamar og Ægir Þór Steinarsson úr Fjölni voru valin bestu ungu leikmennirnir og bestu erlendu leikmennirnir voru valin

Heather Ezell úr Haukum og Justin Shouse í Stjörnunni.

Þjálfarar ársins voru þjálfarar Íslandsmeistaraliðanna, Benedikt Guðmundsson hjá kvennaliði KR og Ingi Þór Steinþórsson hjá karlaliði Snæfells.

Hlynur Bæringsson raðaði að sér verðlaunum í kvöld en hann var einnig valinn besti varnarmaður ársins og besti leikmaður úrslitakeppninnar. Guðrún Gróa Þorsteinsdóttir úr KR var valin besti varnarmaðurinn hjá konunum annað árið í röð og Unnur Tara Jónsdóttir var valin besti leikmaður úrslitakeppninnar.

Ragna Margrét Brynjarsdóttir úr Haukum og Ómar Örn Sævarsson úr Grindavík voru valdir prúðustu leikmenn deildarinnar.

Sigmundur Már Herbertsson var valinn besti dómarinn sjötta árið í röð en hann jafnaði þar með met Leifs Garðarssonar frá 1999 til 2004.

Verðlaunin á Lokahófi KKÍ í kvöld:

Úrvalslið 1. deildar kvenna

Íris Gunnarsdóttir - Skallagrímur

Erna Rún Magnúsdóttir - Þór Ak.

Eva María Emilsdóttir - Fjölnir

Gréta María Grétarsdóttir - Fjölnir

Salbjörg Sævarsdóttir - Laugdælir

Besti leikmaður:

Gréta María Grétarsdóttir - Fjölnir

Besti þjálfari:

Eggert Maríuson - Fjölnir

Úrvalslið 1. deildar karla

Sævar Haraldsson - Haukar

Baldur Ragnarsson - Þór Þorlákshöfn

Hörður Hreiðarsson - Valur

Óðinn Ásgeirsson - Þór Akureyri

Grétar Erlendsson - Þór Þorlákshöfn

Besti leikmaður:

Grétar Erlendsson - Þór Þorlákshöfn

Besti þjálfari:

Borce Ilievski - KFÍ

Verðlaunahafar í Iceland Express deildum



Prúðasti leikmaður IEX kv. 2009-2010

Ragna Margrét Brynjarsdóttir Haukar



Prúðasti leikmaður IEX ka. 2009-2010

Ómar Örn Sævarsson, Grindavík

Besti erlendi leikmaður IEX kv. 2009-2010

Heather Ezell, Haukum

Besti erlendi leikmaður IEX ka. 2009-2010

Justin Shouse Stjörnunni



Besti ungi leikmaður IEX kv. 2009-2010

Guðbjörg Sverrisdóttir, Hamri



Besti ungi leikmaður IEX ka. 2009-2010

Ægir Þór Steinarsson, Fjölnir

Besti varnarmaður IEX kv. 2009-2010

Guðrún Gróa Þorsteinsdóttir, KR

Besti varnarmaður IEX ka. 2009-2010

Hlynur Bæringsson, Snæfell

Besti dómari Iceland Express deilda. 2009 - 2010

Sigmundur Már Hrebertsson

Besti leikmaður úrslitakeppni kvenna

Unnur Tara Jónsdóttir, KR

Besti leikmaður úrslitakeppni karla

Hlynur Bæringsson, Snæfelli

Besti þjálfari IEX kv. 2009-2010

Benedikt Guðmundsson, KR

Besti þjálfari IEX ka. 2009-2010

Ingi Þór Steinþórsson, Snæfell

Úrvalslið Iceland Express d. kv 2009-2010

Hildur Sigurðardóttir, KR

Kristrún Sigurjónsdóttir, Hamri

Margrét Kara Sturludóttir, KR

Birna Valgarðsdóttir, Keflavík

Signý Hermannsdóttir, KR

Úrvalslið Iceland Express d. ka 2009-2010

Hörður Axel Vilhjálmsson, Keflavík

Brynjar Þór Björnsson, KR

Páll Axel Vilbergsson, Grindavík

Sigurður Þorvaldsson, Snæfelli

Hlynur Bæringsson, Snæfelli

Besti leikmaður IEX ka. 2009-2010

Hlynur Bæringsson

Besti leikmaður IEX kv. 2009-2010

Signý Hermannsdóttir, KR

Áhorfendaverðlaun 2009-2010

Stuðningsmenn Snæfells - Farmiðaúttekt upp á 300.000 frá Iceland Express