Ógnaði með sprautunál

Karlmaður á þrítugsaldri hefur verið dæmdur í tíu mánaða fangelsi fyrir þjófnaði og rán.

Maðurinn var meðal annars dæmdur fyrir að hafa ógnað starfsmanni í verslun 10/11 með sprautunál fyrr á árinu og hótað að stinga hann og smita af alnæmisveiru. Maðurinn þvingaði starfsmanninn þannig til að opna peningakassa og stal þaðan 28 þúsund krónum.

Þá er maðurinn dæmdur fyrir að stela tækjum úr bifreið sem hann braust inn í. Jafnframt fyrir innbrot í íbúðarhúsnæði, þar sem hann stal einnig tækjum. Hann á sakaferil að baki.- jss