Holskefla gjaldþrota hjá fyrirtækjum ríður yfir Danmörku

Holskefla af gjaldþrotum smærri og meðalstórra fyrirtækja ríður nú yfir Danmörku.

Samkvæmt tölum frá dönsku hagstofunni höfðu tæplega 4.500 fyrirtæki orðið gjaldþrota í landinu frá áramótum til ágústloka og í 90% tilvika var um að ræða fyrirtæki með veltu undir 15 milljónum danskra króna eða rúmlega 300 milljóna króna.

Í frétt um málið á vefsíðu Berlingske Tidende segir að ekkert útlit sé fyrir að það dragi úr þessum gjaldþrotum fram á næsta ár.

Ein af ástæðunum fyrir þessum gjaldþrotum hefur verið tregða danskra banka að veita fyrirtækjunum ný lán í kreppunni.