Njarðvík lagði Íslandsmeistarana

Njarðvík gerði sér lítið fyrir og lagði Íslands- og bikarmeistara Snæfells á heimavelli í Iceland Express-deild karla í kvöld, 89-87. Alls fóru þrír leikir fram í kvöld.

Grindavík gerði góða ferð til Sauðarkróks og vann, 76-55. Þá unnu KR-ingar tíu stiga sigur á Haukum á heimavelli, 93-83, en nánar verður fjallað um leikinn á Vísi í kvöld.

Njarðvíkingar byrjuðu betur í kvöld og komu sér í tíu stiga forystu strax í fyrsta leikhluta. Staðan að honum loknum var 27-17. Njarðvík náði að halda undirtökunum og leiddi með fjórtán stiga mun í hálfleik, 54-40.

Snæfellingar létu meira til sín taka í þriðja leikhluta og náðu að minnka muninn í tvö stig í stöðunni 57-55.

Njarðvík náði þó ávallt að halda undirtökunum allt til loka. Snæfell náði að minnka muninn aftur í tvö stig á lokasekúndunum en nær komst liðið ekki. Sean Burton reyndi að tryggja Snæfellingum sigur með þriggja stiga flautukörfu en Páll Kristinsson varði skot hans.

Njarðvík-Snæfell 89-87



Njarðvík: Antonio Houston 20 (6 fráköst), Friðrik E. Stefánsson 17 (9 fráköst), Rúnar Ingi Erlingsson 17 (6 fráköst, 6 stoðsendingar), Guðmundur Jónsson 14, Páll Kristinsson 8 (6 fráköst), Kristján Rúnar Sigurðsson 6, Hjörtur Hrafn Einarsson 3, Egill Jónasson 2 (6 fráköst), Lárus Jónsson 2.

Snæfell: Sean Burton 23, Ryan Amaroso 23 (7 fráköst), Jón Ólafur Jónsson 13 (12 fráköst), Lauris Mizis 10, Pálmi Freyr Sigurgeirsson 8 (4 fráköst, 5 stoðsendingar, 6 stolnir), Emil Þór Jóhannsson 6, Sveinn Arnar Davíðsson 2, Atli Rafn Hreinsson 2.

Tindastóll-Grindavík 55-76

Tindastóll: Josh Rivers 15 (5 stoðsendingar), Dragoljub Kitanovic 14 (7 fráköst), Dimitar Petrushev 12, Helgi Rafn Viggósson 6 (5 fráköst), Hreinn Gunnar Birgisson 4, Einar Bjarni Einarsson 2, Pálmi Geir Jónsson 2.

Grindavík: Páll Axel Vilbergsson 17 (6 stoðsendingar), Andre Smith 15 (6 fráköst), Ólafur Ólafsson 12 (4 fráköst), Ómar Örn Sævarsson 12 (6 fráköst), Ryan Pettinella 9 (10 fráköst), Guðlaugur Eyjólfsson 5, Björn Steinar Brynjólfsson 4, Þorleifur Ólafsson 2.

KR-Haukar 93-83

KR: Pavel Ermolinskij 20 (18 fráköst, 9 stoðsendingar), Marcus Walker 16, Finnur Atli Magnússon 15 (6 fráköst), Brynjar Þór Björnsson 13 (4 fráköst), Fannar Ólafsson 11 (7 fráköst), Ólafur Már Ægisson 8, Jón Orri Kristjánsson 5, Skarphéðinn Freyr Ingason 5.

Haukar: Semaj Inge 28 (8 fráköst, 6 stolnir), Gerald Robinson 23 (12 fráköst), Sævar Ingi Haraldsson 12 (5 fráköst, 8 stoðsendingar), Óskar Ingi Magnússon 9, Örn Sigurðarson 8, Davíð Páll Hermannsson 2, Sveinn Ómar Sveinsson 1.