Haukar hafa styrkt sig fyrir átök vetrarins í Iceland Express deild kvenna en félaigð hefur samið við bandaríska leikstjórnandann Katie Snodgrass.
Fram kemur á heimasíðu Hauka að Snodgrass sé væntanleg til landsins í dag og að hún verði líklega með þegar að liðið mætir Snæfelli á morgun.
Hún hefur leikið í Þýskalandi undanfarin ár, síðast með Oberhausen í 1. deildinni.
Snodgrass er 175 cm á hæð og getur einnig spilað sem bakvörður eða skotbakvörður.