Karlmaður í haldi lögreglu vegna manndrápsins

Karlmaður er í haldi lögreglunnar vegna manndrápsins í Hafnarfirði á sunnudaginn.

Í tilkynningu frá Friðriki Smára Björgvinssyni, yfirlögregluþjóni hjá rannsóknardeild lögreglunnar á höfuðborgarsvæðinu, segir að eftir yfirheyrslu lögreglu seint í gærkveldi yfir manninum sem er á þrítugsaldri hafi verið ákveðið að láta hann ekki lausan heldur hafa hann áfram í haldi lögreglu vegna gruns um aðild hans að andláti Hannesar Þórs Helgasonar.

Ákvörðun um hvort krafist verður gæsluvarðhalds yfir honum verður tekin síðar í dag.