Reykjavíkurframboðið hefur lagt fram kæru á Stöð 2 til útvarpsréttarnefndar vegna brots á 9. grein útvarpslaga. Krafist er tafarlausrar úrlausnar útvarpsréttarnefndar með tilliti til sveitarstjórnarkosninganna á laugardaginn.
Kæruefnið er að Stöð 2 býður 5 framboðum til kosningaumræðu á viðkvæmum tíma en útilokar 3 framboð frá umræðunni. Þetta telur framboðið skýlaust brot þar sem er tiltekið að öll sjónarmið í umdeildum málum eigi að fá umfjöllun.
