FH naumlega í undanúrslitin með sigri á ÍR

FH-ingar eru komnir í undanúrslit Eimskips-bikars karla í handbolta en þeir lentu í kröppum dansi gegn ÍR í íþróttahúsinu Austurbergi í kvöld. FH vann á endanum sigur 24-23.

ÍR-ingar leika í 1. deildinni og mættu ákveðnir til leiks. Þeir leiddu með einu marki í hálfleik en í seinni hálfleiknum tókst gestunum að snúa blaðinu við og unnu nauman sigur í spennandi leik.

Baldvin Þorsteinsson og Ásbjörn Friðriksson voru markahæstir í Hafnarfjarðarlinu, hvor með sex mörk.

Auk FH verða Fram, Valur og Akureyri í pottinum þegar dregið verður í undanúrslit bikarsins.