Maður á sextugsaldri afvopnaður á slysadeild

Maður á sextugsaldri var afvopnaður á Landspítalanum um klukkan ellefu í morgun. Maðurinn kom á spítalann til þess að sækja sér læknisþjónustu samkvæmt upplýsingum frá lögreglunni á höfuðborgarsvæðinu.

Maðurinn sýndi starfsfólki spítalans vopnið en hafði í engum hótunum. Í kjölfarið var lögreglu gert viðvart.

Sérsveitarmenn mættu á vettvang og afvopnuðu manninn án fyrirvara.

Maðurinn var svo færður á lögreglustöðina á Hverfisgötu þar sem hann dvelur nú. Yfirheyrslur eru ekki hafnar.

Maðurinn gaf enga ástæðu fyrir því að hann var með skotvopnið á sér en það var slíðrað í hulstur.

Maðurinn var ekki drukkinn þegar hann leitaði sér læknisþjónustu. Ekki er vitað hvað amaði að manninum þannig að hann sá sig knúinn til þess að sækja sér læknisþjónustu.