Sérstakur saksóknari hefur handtekið menn í tengslum við rannsóknina á Glitnismálinu, samkvæmt heimildum fréttastofu. Málið tengist meðal annars viðskiptum við eignarhaldsfélagið Stím.
Fréttastofu er ekki kunnugt um hversu margir aðilar hafa verið handteknir og sérstakur saksóknari vill ekki tjá sig um málið. Greint var frá því nú rétt eftir hádegi að aðgerðir hafa staðið yfir vegna málsins í morgun.
Skilanefnd og slitastjórn Glitnis hafa sent nokkur mál er varða meint lögbrot tengdum rekstri Glitnis til sérstaks saksóknara.
Eins og fyrr segir tengist málið Stím málinu að hluta. Það mál snýst um það að um miðjan nóvember 2007 keypti Stím ehf hlutabréf í Glitni og FL fyrir tæpa 25 milljarða króna með láni frá Glitni. Bankinn tók aðeins veð í bréfunum sjálfum.
Fréttastofa RÚV segir að níu manns hafi verið yfirheyrðir vegna málsins.
Handtökurnar tengjast Stím málinu
Tengdar fréttir
Þorvaldur Lúðvík yfirheyrður
Þorvaldur Lúðvík Sigurjónsson, forstjóri Saga fjárfestingarbanka, er einn þeirra sem hefur verið yfirheyrður í morgun í Glitnismálinu, samkvæmt heimildum fréttastofu.
Sérstakur saksóknari með umfangsmiklar aðgerðir vegna Glitnis
Umfangsmiklar aðgerðir sérstaks saksóknara vegna Glitnis standa yfir þessa stundina víðsvegar á höfuðborgarsvæðinu og á Akureyri.
