FH sá til þess að Haukar verða ekki í úrslitakeppninni - myndir

FH-ingar höfðu yfir miklu að gleðjast í Kaplakrikanum í gærkvöldi því það var ekki nóg með að þeir unnu 24-23 sigur á nágrönnum sínum í Haukum og tryggðu sér endanlega annað sætið í deildinni því með þessum sigri sáu þeir einnig til þess að Haukar verða ekki með í úrslitakeppninni í ár.

FH-liðið vann ennfremur tvo af þremur innbyrðisleikjum sínum á móti Haukum í N1 deild karla í vetur en FH-ingar hafa ekki haft betur á móti nágrönnum sínum í deildarleikjum á einu tímabili síðan veturinn 1994 til 1995.

Vilhelm Gunnarsson, ljósmyndari Fréttablaðsins og Vísis, var á leiknum í Kaplakrika í gærkvöldi. Myndirnar má sjá í albúminu hér að neðan. Hægt er að sjá myndirnar stærri með því að smella á þær.