Edda Garðarsdóttir lenti í slæmu samstuði við samherja á lokamínútunum í 1-0 sigri á Umeå í sænska kvennaboltanum í gær en lið hennar Örebro vann þá bæði fyrsta leik sinn á tímabilinu um leið og það varð fyrsta liðið til þess að vinna lið Umeå á tímabilinu.
Edda nefbrotnaði eftir þetta samstuð í uppbótartíma leiksins en það fossblæddi úr nefinu og var hún því flutt strax á Norrlands Háskólasjúkrahúsið í Umeå. Edda var ekki eini leikmaður Örebro til að meiðast í þessum fyrsta sigri liðsins í Umeå frá upphafi.
Sara Larsson tognaði aftan í læri í fyrri hálfleik og þurfti að yfirgefa völlinn eftir 30 mínútur. Örebro er líka án íslensku landsliðskonunnar Ólínu Guðbjörgu Viðarsdóttur. Sigurmark liðsins gerði Marie Ståhlberg á 44. mínútu leiksins en hún hafði komið inn á sem varamaður fyrir Larsson.
Edda flutt nefbrotin á sjúkrahús í sigrinum á Umeå í gær
