Margrét Lára: Vorum betri á öllum sviðum

„Við erum fyrst og fremst virkilega ánægðar, en auðvita eru hlutir í okkar leik sem við þurfum að laga,“ sagði Margrét Lára Viðarsdóttir, landsliðskona, eftir sigurinn í kvöld.

Íslenska kvennalandsliðið í knattspyrnu valtaði yfir hið búlgarska, 6-0, í fyrsta leik liðsins í undankeppni Evrópumóts landsliða.

„Við hefðum getað nýtt færin betur og það má alveg bæta stutta spilið á milli leikmanna, en við erum virkilega sáttar og vanmátum þær aldrei“.

„Fyrir leikinn vissum við ekki alveg út hvað við vorum að fara, en við settum okkur það markmið fyrir leik að keyra stíft í bakið á þeim og skora fljótlega mark sem gekk upp“.