Tiger fellur út af topp tíu listanum

Tiger Woods dettur út af topp tíu á heimslistanum í golfi eftir helgina þegar næsti listi verður gefinn út. Tiger er sem stendur í áttunda sæti.

Þetta eru söguleg tíðindi því Tiger sem var um 5 ára skeið í efsta sæti hefur verið inni á topp 10 listanum síðan 6. apríl 1997 eða skömmu áður en hann vann sitt fyrsta risamót.

Allt frá því glansímynd hans hrundi á sínum tíma hefur leiðin innan vallar legið beint niður á við. Tiger meiddur sem stendur.