Ernir Hrafn til reynslu hjá Düsseldorf

Valsarinn, Ernir Hrafn Arnarson, er þessa daganna á reynslu hjá handknattleiksliðinu HSG Düsseldorf en liðið leikur í 2. deild.

Ernir verður í nokkra daga hjá félaginu og mun æfa með liðinu, en þetta ku vera í annað skipti sem leikmaðurinn heldur út til Düsseldorf. Þetta kemur fram á íþróttasíðu www.mbl.is.

Ernir Hrafn hefur verið gríðarlega óheppin með meiðsli á sínum ferli en á nýafstöðnu tímabili náði hann að halda sér nokkuð heilum og lék virkilega vel fyrir Val, en hann varð til að mynda bikarmeistari með liðinu á timabilinu.