EIB stöðvar allar lánveitingar til Glencore

Evrópski fjárfestingarbankinn (EIB) hefur stöðvað allar lánveitingar til hrávörurisans Glencore sem m.a. er stærsti eigandi Century Aluminium móðurfélags Norðuráls.

Í frétt um málið á Reuters segir að verulegar áhyggjur af stjórnunarháttum Glencore séu ástæðan fyrir því að bankinn hefur skrúfað fyrir öll lán til félagsins.

Reuters tekur dæmi um lán sem EIB veitti dótturfélagi Glencore í Zambíu en lánið fór í að endurnýja koparnámu þar. Dótturfélagið hefur síðan verið ásakað um skattaundanskot og umgangsmikla mengun í Zambíu.

Í yfirlýsingu frá EIB segir að Zambía sé ekki eina dæmið um vafasama stjórnunarhætti Glencore. Því hafi bankinn gefið fyrirmæli um að hætta öllum lánveitingum til Glencore.