Framboð Stanley Fischer breytir litlu

Enn sem komið er þykir líklegst að Christine Lagarde, fjármálaráðherra Frakklands, verði næsti framkvæmdastjóri Alþjóðagjaldeyrissjóðsins. Framboð Stanley Fischer, seðlabankastjóri Ísraels, virðist ekki ætla að breyta miklu í þeim efnum. Þrátt fyrir mikla reynslu og hafa starfað hjá Alþjóðagjaldeyrissjóðnum er Fischer ekki talinn líklegur til að hljóta starfið.

Stjórnvöld í Indónesíu og Sameinuðu arabísku furstadæmunum hafa lýst yfir stuðningi við Lagarde. Það er á skjön við yfirlýsingar margra þjóðarleiðtoga utan Evrópu en mikið hefur verið rætt um nauðsyn þess að næsti framkvæmdastjóri sjóðsins verði ekki Evrópumaður.

Staða framkvæmdastjóra lostnaði þegar Dominique Strauss-Kahn steig til hliðar í síðasta mánuði eftir að hann var ákærður fyrir að hafa framið kynferðisbrot gegn hótelþernu í New York.