Gott uppgjör hjá McDonalds

Bandaríska hamborgarakeðjan McDonalds skilaði mjög góðu uppgjöri á öðrum ársfjórðungi ársins. Salan jókst um 15% miðað við sama tímabil í fyrra og hagnaðurinn jókst um nær 10%.

Nam hagnaðurinn rúmlega 1,4 milljörðum dollara eða rúmlega 161 milljarði kr. Það var einkum í Evrópu sem góð söluaukning varð hjá hamborgarakeðjunni.

Jim Skinner forstjóri McDonalds segir að búast megi við verðhækkunum á hamborgurum þeirra þar sem hrávörur hafa hækkað verulega á undanförnu ári.