Svört vinna kostar danska skattinn tugi milljarða

Ný rannsókn sýnir að svört vinna á vegum erlendra byggingaverktaka í Danmörku er talin kosta danska skattinn tugi milljarða króna á hverju ári.

Fjallað er um málið í Jyllands Posten en rannsóknin var unnin á vegum Dansk Byggeri, samtaka fyrirtækja í byggingariðnaðinum.

Útreikningar Dansk Byggeri sýna að tapaðar skatttekjur danska skattsins vegna svartar vinnur á vegum erlendra verktaka nemi á bilinu frá einum til fimm milljörðum danskra króna eða 22 til 110 milljörðum króna.

Vandamálið felst einnig í því að hinir erlendu verktakar undirbjóða heimamenn í útboðum þar sem þeir geta notað ódýra erlenda verkamenn til vinnunnar. Alls telja þrír af hverjum fjórum dönskum byggingarverktökum að afkomu fyrirtækja sinna sé ógnað af hinum erlendu verktökum.

Ástandið er einkum slæmt í Kaupmannahöfn en 92% danskra verktaka þar segja að þeir séu undir miklum þrýstingi vegna óheiðarlegar samkeppni frá erlendum verktökum.