Vefsíða Financial Times hrundi

Óróinn á hlutabréfamörkuðum í Evrópu þar sem vísitölur sveiflast upp og niður, þó aðallega niður, frá mínútu til mínútu hafa valdið mikilli eftirspurn eftir nýjustu fjármálafréttunum. Af þeim sökum hrundi vefsíði blaðsins Financial Times, ft.com, um tíma í morgun þar sem hún gat ekki annað umferðinni inn á hana.

Fjallað er um málið á business.dk. Þar segir að um tíma hafi þeir sem ætluðu að skoða vefsíðuna einfaldlega fengið skilaboð um að síðan væri of upptekin til að hægt væri að skoða hana.

Nú klukkan 11 að okkar tíma virðist vefsíðan komin í lag að nýju.