Sendu 300 verkamenn heim vegna veikinda

Fataverksmiðja H&M í Kambódíu varð að senda um 300 verkamenn heim tvisvar sinnum í vikunni vegna veikinda. Á þriðjudaginn voru 86 verkamenn sendir heim og í gær voru svo 198 sendir heim.

Verksmiðjan heitir M&V International Manufactoring Ltd. Talsmenn þar segja að verkamennirnir hafi fundið mjög vonda lykt áður en þeir fundu fyrir veikindum sínum. Verksmiðjan hefur gefið um fjögurþúsund starfsmönnum sínum frí þar til í næstu viku svo þeir geti jafnað sig.

Í júlí síðastliðnum kom upp svipað tilfelli þar sem verskmiðja 300 starfsmenn í annarri verksmiðju sem framleiðir föt fyrir H&M voru sendir heim. Þá hefur einnig nýlega komið upp slíkt tilvik í verksmiðju sem framleiðir föt merkt Puma.

Fyrir fáeinum dögum var sagt frá því að hættulegt efni sem veldur truflunum á hormónastarfsemi , fóstursköðum og ófrjósemi er að finna í fötum frá mörgum heimsþekktum fataframleiðendum. Efnið sem hér um ræðir heitir nonylphenol og er notað til að þrífa umframlit úr fötum. Ekki er vitað hvort það er þetta efni sem hefur valdið þessum veikindum.