Fyrrverandi NBA-leikmaðurinn Javaris Crittenton hefur verið ákærður fyrir morð á 23 ára konu í Bandaríkjunum, en konan er fjögurra barna móðir.
Morðið átti sér stað þann 19. ágúst síðastliðin í Atlanta, en konan var gangandi á meðal almennings með tveimur karlmönnum þegar Crittenton á að hafa skotið hana tvívegis með þeim afleiðingum að hún lést.
Crittenton var valinn 19. í nýliðavalinum árið 2007 af Los Angeles Lakers. Árið 2008 var honum skipt yfir til Memphis Grizzlies og í dag er hann skráður sem leikmaður hjá Dakota Wizards, liði í NBA-Development League.
