Stórt tap hjá Dóru Maríu, Guðbjörgu og Katrínu

Djurgården, lið Dóru Maríu Lárusdóttur, Guðbjargar Gunnarsdóttur og Katrínar Jónsdóttur, steinlá 5-0 á heimavelli gegn Umeå í efstu deild sænska boltans í dag. Stöllurnar voru allar í byrjunarliði gestgjafanna og spiluðu allan leikinn.

Djurgården situr áfram í áttunda sæti deildarinnar eftir tapið þegar ein umferð er eftir og hefur að litlu að keppa.

Ólína Viðarsdóttir er í byrjunarliði Örebro sem tekur á móti toppliði Tyresö. Edda Garðarsdóttir er enn frá vegna meiðsla. Hægt er að fylgjast með gangi mála í leiknum hér.