Catania skellti Inter sem er með neðstu liðum

Það gengur ekki alveg sem skildi hjá Claudio Ranieri að rétta Inter-skútuna við. Í dag þurfti Inter að sætta sig við tap, 2-1, gegn Catania.

Inter fékk draumabyrjun er Esteban Cambiasso kom þeim yfir eftir aðeins sex mínútna leik og þannig stóðu leikar í hálfleik.

Strax í upphafi síðari hálfleiks jafnaði Sergio Almiron metin fyrir Catania. Francesco Lodi kom heimamönnum síðan yfir með marki úr vítaspyrnu á 50. mínútu. Það reyndist vera sigurmark leiksins.

Inter í 17. sæti deildarinnar eftir sex leiki. Aðeins stigi fyrir ofan liðin sem eru í fallsæti og þau eiga öll eftir að spila. Inter gæti því verið í fallsæti eftir helgina.