Asda og Farmfoods með sameiginlegt tilboð í Iceland

Breska verslunarkeðjan Asda og skoska stórmarkaðakeðjan Farmfoods hafa lagt fram sameignlegt tilboð í Iceland Foods verslunarkeðjuna. Tilboðið hljóðar upp á 1,4 milljarða punda eða tæplega 260 milljarða króna.

Samkvæmt samkomulagi milli þeirra tveggja mun Asda, sem er í eigu Wal Mart stærstu stórmarkaðakeðju heimsins, láta Farmfoods í té 200 af verslunum Iceland ef þeim tekst að kaupa Iceland af skilanefndum Landsbankans og Glitnis. Asda þarf að losa sig við þann fjölda af verslunum Iceland af samkeppnisástæðum fari svo að tilboðinu verði tekið, að því er segir í frétt um málið í Daily Telegraph.