Umfjöllun: Stórleikur Ólafs dugði ekki til Eiríkur Stefán Ásgeirsson skrifar 3. febrúar 2011 21:04 Mynd/Anton Ólafur Guðmundsson lét mikið af sér kveða með FH-liðinu í kvöld er hann skoraði alls ellefu mörk gegn Fram í N1-deild karla. Það dugði þó ekki til þar sem að liðin skildu jöfn, 26-26. Keppni í deildinni hófst aftur í kvöld eftir vetrarhlé en í leiknum áttust við liðin í öðru og þriðja sætinu. Framarar voru mjög heitir fyrir fríið og unnu átta af síðustu níu leikjum sínum. FH-ingum var spáð góðu gengi í haust en eftir ágæta byrjun fór liðið að hiksta og tapaði mikilvægum leikjum gegn sterkustu liðum deildarinnar. FH lauk þó hausttörninni á ágætum nótum og vann síðustu tvo leiki sína fyrir frí. Liðin voru greinilega ólm í að byrja eftir vetrarhléið og byrjuðu bæði af miklum krafti. Sóttu hratt á andstæðinginn og skoruðu mikið af mörkum. En eftir þessa góðu byrjun fóru bæði lið að gera mistök í sóknarleiknum og töpuðu nokkrum boltum. FH-ingar gerðu sínu meira af þessu og því tóku Framarar fljótlega frumkvæðið í leiknum. En í stöðunni 10-7 skoruðu FH-ingar fjögur mörk í röð og komust yfir. Markverðirnir í báðum liðum voru byrjaðir að verja vel en gestirnir úr Hafnarfirði nýttu skotin sín betur og voru einu marki yfir í hálfleik, 14-13. Ólafur Guðmundsson hefur átt misjöfnu gengi að fagna á tímabilinu til þessa en kom af miklum krafti. Hann skoraði alls helming marka FH í fyrri hálfleik, þar af sex af fyrstu átta mörkum sinna manna í leiknum. Óhætt er að segja að hann hafi átt stórleik í kvöld auk þess sem að leikstjórnandinn Ásbjörn Friðriksson hélt uppteknum hætti frá fyrri hluta tímabilsins og var FH-ingum afar drjúgur. Andri Berg Haraldsson byrjaði einnig af miklum krafti í liði FH en fékk tvær brottvísanir snemma í leiknum og fékk því minna að spila í fyrri hálfleik en ella. Það var jafnt á nánast öllum tölum í síðari hálfleik og ríkti spenna í leiknum allt fram á síðustu mínútu. Framarar skoruðu rendar fyrstu þrjú mörkin í síðari hálfleik og fór þar Róbert Aron Hostert mikinn. Hann átti frábæran seinni hálfleik og skoraði þá sjö mörk. Báðir markverðir, þeir Magnús Erlendsson hjá Fram og Pálmar Pétursson hjá FH, sýndu líka fína takta í síðari hálfleik og vörðu báðir víti og úr nokkrum dauðafæri. Sigurinn hefði getað dottið báðum megin en það voru Framarar sem voru með frumkvæðið síðustu mínúturnar og fengu síðustu sóknina. En vörn FH náði að standa sína plikt og skila góðu útivallarstigi í hús. Þeir Ólafur og Ásbjörn skoruðu 21 af 26 mörkum FH í leiknum. Hægri vængurinn skilaði litlu sem engu í leiknum og hlýtur að vera áhyggjuefni. Framarar gátu stólað á meiri breidd í kvöld en bæði lið gerðu þó sín mistök í leiknum og töpuðu nokkuð mörgum boltum. Leikurinn var þó hin besta skemmtun sem veit á gott fyrir síðari hluta tímabilsins í deildinni.Fram - FH 26 - 26 (13 - 14)Mörk Fram (skot): Róbert Aron Hostert 8 (14), Haraldur Þorvarðarson 4 (5), Andri Berg Haraldsson 4 (9), Einar Rafn Eiðsson 3/2 (5/3), Matthías Daðason 3 (5), Arnar Birkir Hálfdánarson 2 (10), Halldór Jóhann Sigfússon 1 (3), Jóhann Gunnar Einarsson 1 (5), Jóhann Karl Reynisson (1), Magnús Stefánsson (2)Varin skot: Magnús Erlendsson 20/1 (46/2, 43%) Hraðaupphlaup: 4 (Andri Berg 2, Haraldur 1, Matthías 1) Fiskuð víti: 3 (Halldór Jóhann 1, Haraldur 1, Róbert Aron 1) Utan vallar: 10 mínúturMörk FH (skot): Ólafur A. Guðmundsson 12 (17), Ásbjörn Friðriksson 9/1 (13/2), Baldvin Þorsteinsson 2 (4), Ólafur Gústafsson 1 (1), Atli Rúnar Steinþórsson 1 (2), Hjörtur Hinriksson 1 (4), Brynjar Geirsson (1), Sigurgeir Árni Ægisson (1), Halldór Guðjónsson (2)Varin skot: Pálmar Pétursson 13/1 (30/3, 43%), Daníel Freyr Andrésson 2 (11, 18%) Hraðaupphlaup: 5 (Ásbjörn 2, Baldvin 1, Ólafur 1, Ólafur A. 1) Fiskuð víti: 2 (Baldvin 1, Brynjar 1) Utan vallar: 6 mínútur Dómarar: Anton Gylfi Pálsson og Hlynur Leifsson. Olís-deild karla Mest lesið Brjálaðist og gaf vellinum fokkmerki Golf Salah gagnrýndi stuðningsmenn Liverpool Enski boltinn Sjáðu mörkin: Berglind í hefndarhug með fleiri en allt Valsliðið í sumar Íslenski boltinn Sætur sigur HK og Vilhelm bjargaði stigi fyrir ÍR Íslenski boltinn Eitt töfrabragð dugði gegn United í dýrmætum sigri Enski boltinn „Ég get ekki beðið“ Handbolti Uppgjörið: Breiðablik - Valur 4-0 | Berglind refsaði gamla liðinu í stórsigri Íslenski boltinn Óðs manns æði Arnars: „Ég ætla samt að gera þetta“ Fótbolti „Þurfa allar og við þjálfararnir að líta í eigin barm“ Íslenski boltinn Selirnir verða heiðursgestir á fyrsta heimaleik KR Íslenski boltinn Fleiri fréttir Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Ótrúlegur Donni kom ekki í veg fyrir tap Aldís Ásta Svíþjóðarmeistari Íslendingar gerðu gæfumuninn í Íslendingaslögum Uppgjörið: Valur - Fram 33-37 | Bláir leiða úrslitaeinvígið EM-riðillinn: Ítalía, Pólland og Ungverjaland Patrekur verður svæðisfulltrúi Guðmundur Bragi frábær í stórsigri Jöfnuðu metin gegn Dortmund Allt opið hjá Degi sem kveður franska stórliðið Birtir gamla mynd af sér í Barcelona-treyju: „Stór draumur að rætast“ Varð að þegja yfir samningnum við Barcelona í margar vikur ÍBV sækir Jakob úr föllnu liði Gróttu Viktor Gísli búinn að semja við Barcelona Dóttir Lauge fæddist löngu fyrir tímann HSÍ ræður Roland Eradze sem markmannsþjálfara Strákarnir okkar í öðrum styrkleikaflokki Nýr forseti norska sambandsins spilaði hjá Þóri og Marit Breivik „Gerðum út um leikinn og ekki yfir miklu að kvarta“ Uppgjörið: Ísland - Georgía 33-21 | Fullt hús eftir stórsigur Ljóst hvaða þjóðir verða með Ísland á EM í handbolta Fínn leikur íslensku landsliðskvennanna dugði ekki Uppgjörið: Porrino - Valur 29-29 | Jafnt í fyrri leiknum „Maður veit alveg hver gulrótin er“ Aldís Ásta og félagar einum sigri frá sænska meistaratitlinum Alfreð reiður út í leikmenn sína Sjá meira
Ólafur Guðmundsson lét mikið af sér kveða með FH-liðinu í kvöld er hann skoraði alls ellefu mörk gegn Fram í N1-deild karla. Það dugði þó ekki til þar sem að liðin skildu jöfn, 26-26. Keppni í deildinni hófst aftur í kvöld eftir vetrarhlé en í leiknum áttust við liðin í öðru og þriðja sætinu. Framarar voru mjög heitir fyrir fríið og unnu átta af síðustu níu leikjum sínum. FH-ingum var spáð góðu gengi í haust en eftir ágæta byrjun fór liðið að hiksta og tapaði mikilvægum leikjum gegn sterkustu liðum deildarinnar. FH lauk þó hausttörninni á ágætum nótum og vann síðustu tvo leiki sína fyrir frí. Liðin voru greinilega ólm í að byrja eftir vetrarhléið og byrjuðu bæði af miklum krafti. Sóttu hratt á andstæðinginn og skoruðu mikið af mörkum. En eftir þessa góðu byrjun fóru bæði lið að gera mistök í sóknarleiknum og töpuðu nokkrum boltum. FH-ingar gerðu sínu meira af þessu og því tóku Framarar fljótlega frumkvæðið í leiknum. En í stöðunni 10-7 skoruðu FH-ingar fjögur mörk í röð og komust yfir. Markverðirnir í báðum liðum voru byrjaðir að verja vel en gestirnir úr Hafnarfirði nýttu skotin sín betur og voru einu marki yfir í hálfleik, 14-13. Ólafur Guðmundsson hefur átt misjöfnu gengi að fagna á tímabilinu til þessa en kom af miklum krafti. Hann skoraði alls helming marka FH í fyrri hálfleik, þar af sex af fyrstu átta mörkum sinna manna í leiknum. Óhætt er að segja að hann hafi átt stórleik í kvöld auk þess sem að leikstjórnandinn Ásbjörn Friðriksson hélt uppteknum hætti frá fyrri hluta tímabilsins og var FH-ingum afar drjúgur. Andri Berg Haraldsson byrjaði einnig af miklum krafti í liði FH en fékk tvær brottvísanir snemma í leiknum og fékk því minna að spila í fyrri hálfleik en ella. Það var jafnt á nánast öllum tölum í síðari hálfleik og ríkti spenna í leiknum allt fram á síðustu mínútu. Framarar skoruðu rendar fyrstu þrjú mörkin í síðari hálfleik og fór þar Róbert Aron Hostert mikinn. Hann átti frábæran seinni hálfleik og skoraði þá sjö mörk. Báðir markverðir, þeir Magnús Erlendsson hjá Fram og Pálmar Pétursson hjá FH, sýndu líka fína takta í síðari hálfleik og vörðu báðir víti og úr nokkrum dauðafæri. Sigurinn hefði getað dottið báðum megin en það voru Framarar sem voru með frumkvæðið síðustu mínúturnar og fengu síðustu sóknina. En vörn FH náði að standa sína plikt og skila góðu útivallarstigi í hús. Þeir Ólafur og Ásbjörn skoruðu 21 af 26 mörkum FH í leiknum. Hægri vængurinn skilaði litlu sem engu í leiknum og hlýtur að vera áhyggjuefni. Framarar gátu stólað á meiri breidd í kvöld en bæði lið gerðu þó sín mistök í leiknum og töpuðu nokkuð mörgum boltum. Leikurinn var þó hin besta skemmtun sem veit á gott fyrir síðari hluta tímabilsins í deildinni.Fram - FH 26 - 26 (13 - 14)Mörk Fram (skot): Róbert Aron Hostert 8 (14), Haraldur Þorvarðarson 4 (5), Andri Berg Haraldsson 4 (9), Einar Rafn Eiðsson 3/2 (5/3), Matthías Daðason 3 (5), Arnar Birkir Hálfdánarson 2 (10), Halldór Jóhann Sigfússon 1 (3), Jóhann Gunnar Einarsson 1 (5), Jóhann Karl Reynisson (1), Magnús Stefánsson (2)Varin skot: Magnús Erlendsson 20/1 (46/2, 43%) Hraðaupphlaup: 4 (Andri Berg 2, Haraldur 1, Matthías 1) Fiskuð víti: 3 (Halldór Jóhann 1, Haraldur 1, Róbert Aron 1) Utan vallar: 10 mínúturMörk FH (skot): Ólafur A. Guðmundsson 12 (17), Ásbjörn Friðriksson 9/1 (13/2), Baldvin Þorsteinsson 2 (4), Ólafur Gústafsson 1 (1), Atli Rúnar Steinþórsson 1 (2), Hjörtur Hinriksson 1 (4), Brynjar Geirsson (1), Sigurgeir Árni Ægisson (1), Halldór Guðjónsson (2)Varin skot: Pálmar Pétursson 13/1 (30/3, 43%), Daníel Freyr Andrésson 2 (11, 18%) Hraðaupphlaup: 5 (Ásbjörn 2, Baldvin 1, Ólafur 1, Ólafur A. 1) Fiskuð víti: 2 (Baldvin 1, Brynjar 1) Utan vallar: 6 mínútur Dómarar: Anton Gylfi Pálsson og Hlynur Leifsson.
Olís-deild karla Mest lesið Brjálaðist og gaf vellinum fokkmerki Golf Salah gagnrýndi stuðningsmenn Liverpool Enski boltinn Sjáðu mörkin: Berglind í hefndarhug með fleiri en allt Valsliðið í sumar Íslenski boltinn Sætur sigur HK og Vilhelm bjargaði stigi fyrir ÍR Íslenski boltinn Eitt töfrabragð dugði gegn United í dýrmætum sigri Enski boltinn „Ég get ekki beðið“ Handbolti Uppgjörið: Breiðablik - Valur 4-0 | Berglind refsaði gamla liðinu í stórsigri Íslenski boltinn Óðs manns æði Arnars: „Ég ætla samt að gera þetta“ Fótbolti „Þurfa allar og við þjálfararnir að líta í eigin barm“ Íslenski boltinn Selirnir verða heiðursgestir á fyrsta heimaleik KR Íslenski boltinn Fleiri fréttir Elvar í aðalhlutverki þegar Melsungen tók stórt skref í titilslagnum „Ég get ekki beðið“ Stærsti íþróttaviðburður sem fram hafi farið hér á landi Svona var blaðamannafundur Vals fyrir seinni úrslitaleikinn „Í lokin snýst þetta alltaf um okkur sjálfa“ Ótrúlegur Donni kom ekki í veg fyrir tap Aldís Ásta Svíþjóðarmeistari Íslendingar gerðu gæfumuninn í Íslendingaslögum Uppgjörið: Valur - Fram 33-37 | Bláir leiða úrslitaeinvígið EM-riðillinn: Ítalía, Pólland og Ungverjaland Patrekur verður svæðisfulltrúi Guðmundur Bragi frábær í stórsigri Jöfnuðu metin gegn Dortmund Allt opið hjá Degi sem kveður franska stórliðið Birtir gamla mynd af sér í Barcelona-treyju: „Stór draumur að rætast“ Varð að þegja yfir samningnum við Barcelona í margar vikur ÍBV sækir Jakob úr föllnu liði Gróttu Viktor Gísli búinn að semja við Barcelona Dóttir Lauge fæddist löngu fyrir tímann HSÍ ræður Roland Eradze sem markmannsþjálfara Strákarnir okkar í öðrum styrkleikaflokki Nýr forseti norska sambandsins spilaði hjá Þóri og Marit Breivik „Gerðum út um leikinn og ekki yfir miklu að kvarta“ Uppgjörið: Ísland - Georgía 33-21 | Fullt hús eftir stórsigur Ljóst hvaða þjóðir verða með Ísland á EM í handbolta Fínn leikur íslensku landsliðskvennanna dugði ekki Uppgjörið: Porrino - Valur 29-29 | Jafnt í fyrri leiknum „Maður veit alveg hver gulrótin er“ Aldís Ásta og félagar einum sigri frá sænska meistaratitlinum Alfreð reiður út í leikmenn sína Sjá meira