Mannkynið nær 7 milljörðum á árinu

Mannkynið mun ná sjö milljörðum á þessu ári samkvæmt mannfjöldaspá Sameinuðu þjóðanna. Þetta vekur sérstakan óhug í brjóstum margra enda hefur mankynið fjölgað sér með ógnarhraða undanfarin áratug.

Til að mynda má nefna að aðeins eru rúmur áratugur frá því mannkynið varð sex milljaðar en fimmtíu ár eru liðin frá því mannkynið var þrír milljarðar.

Sé litið enn lengra aftur í tímann má nefna að talið er að það hafi verið 1804 sem mannkynið náði í fyrsta sinn einum milljarði.

Það er Asía sem á stærsta hluta þessa fólks en þar búa um 60 prósent mannkyns. Mörg blöð og tímarit velta því fyrir sér hvaða áhrif það muni hafa á jörðina og jarðarðarbúa að komast upp í sjö milljarða.

Í Time er dregin upp dökk spá en hins vegar bent á leiðir til að sporna við þessari þróun. Sagt er að besta leiðin til að draga úr fólksfjölgun sé að mennta konur í fátækum ríkjum, það sé reyndar gríðarlega mikilvægt mannkyninu öllu.

Þá er sagt að fólksflutningar geti hjálpað mjög til að ná jafnvægi.