KR fyrst til að leggja Hamar

Það verða KR og Keflavík sem mætast í úrslitum Poweradebikars kvenna í ár. Það varð ljóst eftir að KR lagði Hamar í Vesturbænum í dag. Keflavík tryggði sér sæti í úrslitum í gær.

Leikur Hamars og KR var jafn og æsispennandi allt frá upphafi.

Undir lokin voru taugar KR-stúlkna sterkari og þær lönduðu verðskulduðum fimm stiga sigri, 65-60. Þetta var fyrsta tap Hamars í vetur.

KR-Hamar 65-60

KR: Margrét Kara Sturludóttir 25/12 fráköst, Chazny Paige  Morris 20/5 fráköst, Hildur Sigurðardóttir 7/9 fráköst/6 stoðsendingar, Signý Hermannsdóttir 5/6 fráköst, Helga Einarsdóttir 3/6 fráköst, Hafrún Hálfdánardóttir 3/5 fráköst, Guðrún Gróa Þorsteinsdóttir 2/13 fráköst.

Hamar: Jaleesa  Butler 23/12 fráköst/6 varin skot, Kristrún Sigurjónsdóttir 11/5 fráköst/5 stolnir, Slavica Dimovska 11/6 fráköst, Íris Ásgeirsdóttir 7, Guðbjörg Sverrisdóttir 6/6 fráköst, Fanney Lind Guðmundsdóttir 2/5 fráköst.