Alberto Zaccheroni, landsliðsþjálfari Japan, valdi ellefu leikmenn frá evrópskum félögum í landsliðshóp sinn fyrir leikinn gegn Úsbekistan í næstu viku. Japan lagði Ísland af velli í vináttulandsleik í gær 3-1.
Japanir tefldu aðeins fram leikmönnum sem spila í heimalandinu í gær. Liðið var því vængbrotið líkt og það íslenska sem tefldi aðeins fram leikmönnum sem spila á Norðurlöndunum og á Íslandi.
Meðal leikmanna sem bætast í landsliðshóp Japana eru Ryo Miyaichi leikmaður Bolton, Shini Okazaki framherji Stuttgart og Yuzo Nagatomo bakvörður Inter.
Japanir höfðu töluverða yfirburði í leiknum í gær eins og fjallað hefur verið um hér á Vísi og má lesa um að neðan.
Zaccheroni valdi ellefu leikmenn sem spila í Evrópu
Tengdar fréttir
Umfjöllun: Japan – Ísland 3-1
Íslenska landsliðið í knattspyrnu karla beið lægri hlut 3-1 í vináttulandsleik gegn Japan í Osaka í morgun. Mörk Japana komu eftir klaufagang í íslensku vörninni en Arnór Smárason minnkaði muninn úr vítaspyrnu í viðbótartíma.
