Boston réð ekki við James og Wade

Miami Heat er komið með forystu í einvígi sínu gegn Boston Celtics í úrslitum Austurdeildar NBA. Heat vann öruggan sigur, 79-93, í fyrsta leik liðanna í nótt.

Einu sinni sem oftar voru LeBron James og Dwyane Wade í aðalhlutverki hjá Miami. James skoraði 32 stig og tók 13 fráköst en Wade skoraði 22 stig og gaf 7 stoðsendingar.

Kevin Garnett var atkvæðamestur í liði Boston með 23 stig og 10 fráköst.

Miami yfir allan leikinn en Boston kom til baka og jafnaði fyrir hlé. Þriðji leikhlutinn var eign Miami enda vann liðið hann 26-15. Eftir það var bardaginn búinn.

Liðin mætast næst aðfararnótt fimmtudags.