17. júní gæti orðið sögulegur fyrir Færeyjar

Kristján Már Unnarsson skrifar 18. júní 2012 10:15

Dagurinn 17. júní 2012 gæti orðið söglegur fyrir Færeyjar. Þann dag var borinn settur í færeyska landgrunnið í áttundu tilraun til að finna færeysku olíuna.

Þannig hefst frétt á færeyska netmiðlinum oljan.is en kínverski borpallurinn Cosl Pioneer mun bora næstu 4-5 mánuði. Í október eða nóvember vitum við hvort Statoil, í sinni þriðju bortilraun, finnur arðbæra olíulind og leggur grunninn að færeyska olíuævintýrinu, segir ennfremur í fréttinni.

Þyrlur frá Atlantic Airways byrjuðu um helgina að lenda á borpallinum til flugæfinga en færeyska flugfélagið annast þyrluflug til og frá pallinum milli Færeyja og Noregs. Björgunarskipið Esvagt Connector frá félaginu Esvagt Thor er einnig komið á borsvæðið en það hefur fengið það hlutverk að vera til staðar allan bortímann í öryggisskyni.

Í landi er allt orðið klárt í Rúnavík á sunnanverðri Austurey sem verður þjónustumiðstöð borpallsins. Næstu mánuðina verða skip í stöðugum siglingum milli Rúnavíkur og borpallsins sem kallar á mikil umsvif í höfninni.

Tengdar fréttir

Ein hola stærsta verkefni í atvinnusögu Færeyja

Olíuborun sem er að hefjast í færeysku lögsögunni eftir tíu daga verður stærsta verkefni í atvinnusögu Færeyja til þessa. Mikil spenna ríkir meðal Færeyinga og ríkir bjartsýni um að nú hylli loksins undir að þeir verði olíuþjóð enda hefur aldrei verið lagt jafn mikið undir og nú. Áætlað er að borun einnar holu kosti yfir 20 milljarða króna og á verkið að taka fjóra til fimm mánuði,

4. júní 2012 11:30

Stóri borinn á leið til Færeyja

Olíuborpallurinn Cosl Pioneer er nú á leið á færeyska landgrunnið til að vinna stærsta verkefni í atvinnusögu Færeyja; borun allt að fimm kílómetra djúprar holu fyrir 20 milljarða króna. Ef borinn hittir á það, sem olíufélög telja að þarna leynist undir, gætu Færeyingar á næstu árum orðið ein auðugasta þjóð veraldar.

13. júní 2012 10:15

Mest lesið

Fleiri fréttir