Forseti Frakklands, Francois Hollande, og Angela Merkel, Þýskalandskanslari, sögðu í dag að þau myndu gera allt sem í þeirra valdi stendur til að vernda evruna.
Í sameiginlegri yfirlýsingu frá þeim kemur fram að löndin tvö vinni nú að því að treysta stoðir gjaldmiðilsins.
Þá tók Mario Draghi í sama streng en hann er bankastjóri seðlabanka Evrópu.
Á sama tíma tilkynnti þó Bundesbank, seðlabaki Þýskalands, að hann væri mótfallinn áframhaldandi kaupum evrópska seðlabankans á ríkisskuldabréfum.
Yfirlýsingarnar hafa vakið góð viðbrögð á mörkuðum í dag.
Ætla að vernda evruna
