Rossi vill fara til AC Milan

Síðasta tímabil var erfitt fyrir ítalska framherjann Giuseppe Rossi. Hann var mikið meiddur og náði aðeins að spila 14 leiki fyrir Villarreal sem saknaði hans mikið og féll úr spænsku úrvalsdeildinni.

Félög hafa ekki misst trúna á þennan 25 ára framherja og er hann sterklega orðaður við félög í heimalandinu. Þar á meðal AC Milan.

"Hann vill spila í ítölsku deildinni og myndi segja já við tilboði frá AC Milan. Það er ekki spurning. Hann gæti einnig nýst Napoli og Roma," sagði umboðsmaður kappans.

Rossi hefur spilað 192 leiki fyrir Villarreal síðan hann kom til félagsins frá Man. Utd árið 2007.