Milan vill fá Kaká

Það er ekki enn orðið ljóst hvað verður um Brasilíumanninn Kaká hjá Real Madrid. Hann virðist ekki eiga mikla framtíð hjá félaginu og áhugi er víða að á leikmanninum.

Kaká hefur verið orðaður við Man. Utd upp á síðkastið og nú er hans gamla félag, AC Milan, komið í umræðuna og stjórnarformaður félagsins, Adriano Galliani, er á leið til Spánar að ræða möguleg vistaskipti leikmannsins.

"Við verðum að bíða og sjá hvað kemur út úr þeirri ferð," sagði Galliani.

Milan vill fá leikmanninn lánaðan í eitt ár og er til í greiða helming launa leikmannsins.