Rúrik opnaði markareikninginn sinn í sigri OB

Rúrik Gíslason skoraði sitt fyrsta mark í dönsku úrvalsdeildinni á þessu tímabili þegar Odense Boldklub vann 2-1 útisigur á SönderjyskE í Íslendingaslag í kvöld.

Rúrik Gíslason kom OB í 1-0 á 24. mínútu þegar hann fylgdi á eftir skoti félaga síns. Emil Larsen skoraði annað mark OB á 51. mínútu en Conor S. O'Brian minnkaði muninn fimm mínútum síðar. Þannig urðu síðan lokatölurnar.

Rúrik fékk spjald á 54. mínútu en kláraði leikinn eins í fyrstu fimm leikjum OB á tímabilinu. Eyjólfur Héðinsson sat allan tímann á bekknum hjá SönderjyskE og Hallgrímur Jónasson lék ekki með vegna meiðsla.

Þetta var þriðja sigur OB-liðsins í röð og ennfremur fjórði sigur liðsins í fyrstu sex umferðunum. Rúrik lagði upp sigurmarkið í leiknum á undan en þetta var fyrsta markið hans í deildinni.