Þjálfari Red Sox hótaði að kýla útvarpsmann

Hinn sextugi þjálfari hafnaboltaliðsins Boston Red Sox, Bobby Valentine, er mikið í fréttunum eftir að hann hótaði að kýla útvarpsmann í andlitið.

Valentine var í viðtali hjá útvarpsstöð í Boston. Spyrillinn gaf það í skyn að þjálfarinn væri farinn að mæta seint til leiks og spurði hvort hann væri að gefast upp.

"Það er skammarlegt að heyra svona. Ef ég væri þarna hjá þér þá myndi ég kýla þig í andlitið," sagði Valentine.

Hann heldur því nú fram að hann hafi verið að grínast og að það heyrist vel að hann hlæji í kjölfar þessarar umdeildu setningar.