Flugfélagið Cathay Pacific hættir að flytja hákarlaugga

Flugfélagið Cathay Pacific sem staðsett er í Hong Kong hefur ákveðið að hætta öllum fraktflutningum sínum með þurrkaða hákarlaugga sem og aðrar afurðir af hákörlum.

Þetta kemur fram í tilkynningu frá félaginu þar sem segir að rányrkja sé nú stunduð á flestum tegundum hákarla í heiminum og margar þeirra í útrýmingarhættu af þeim sökum.

Hong Kong er stærsti markaður heimsins með þurrkaða hákarlaugga en þar kostar kílóið af þeim út úr búð nærri 50.000 krónur. Um 10.000 tonn af hákarlauggum eru flutt inn til Hong Kong á hverju ári.