Þýska flugfélagið Lufthansa hefur aflýst 190 af flugferðum sínum í morgun vegna yfirstandandi verkfalls flugliða hjá félaginu. Nær allar þessar flugferðir voru áætlaðar frá alþjóðaflugvellinum í Frankfurt.
Á föstudaginn var þurfti Lufthansa að aflýsa nærri 200 flugferðum vegna verkfallsins og þá urðu um 26.000 farþegar strandaglópar víða um heiminn.
Reiknað er með að verkfallið muni einnig valda verulegum truflunum á flugferðum frá Tegel flugvellinum við Berlín seinna í dag.
Hvorki gengur né rekur í samningaviðræðum Lufthansa við verkalýðsfélag flugliðanna og ber mikið í milli. Sem stendur eru verkföll flugliðanna bundin við ákveðna daga en þeir hafa hótað því að auka við verkfallsaðgerðir sínar ef samningar nást ekki fljótlega.
Lufthansa aflýsir 190 flugferðum vegna verkfalls

Mest lesið


Hlutabréf Play ruku upp við opnun markaða
Viðskipti innlent



Aukinn samdráttur á flugi til Íslands með breyttu Play
Viðskipti innlent

Tekur við fyrirtækjaráðgjöf Arion banka
Viðskipti innlent

Bílastæðafyrirtæki fá á baukinn
Neytendur


„Erum bara að hætta þeirri starfsemi sem hefur gengið illa“
Viðskipti innlent

Boða komu HBO Max til landsins á ný
Viðskipti innlent