Aðdáendur endurgera Half-Life

Bandaríski tölvuleikjaframleiðandinn Valve tilkynnti um helgina að uppfærð útgáfa af tölvuleiknum Half-Life væri væntanlega í þessum mánuði. Síðustu átta ár hafa aðdáendur Half-Life unnið að uppfærslunni en Valve gaf út sérstök forrit sem einstaklingar gátu notað til að endurforrita leikinn.

Half-Life, sem er fystu persónu skotleikur, kom út í nóvember árið 1998 en útgáfa hans er sögð hafa markað vatnaskil í tölvuleikjaiðnaðinum í Bandaríkjunum. Vinsældir Half-Life voru gríðarlegar og hefur hann selst í tugmilljónum eintaka.

Uppfærslan er kölluð Black Mesa. Saga, graffík og eðlisfræði tölvuleikjarins hefur verið uppfærð en með uppfærslunni vill Valve ná til nýs markhóps.

Öllum stendur til boða að spila Black Mesa — sér að kostnaðarlausu — en hann verður formlega gefin út 14. september næstkomandi.