Sölvi lék í sigri FCK | Sundsvall tapaði

Íslendingaliðið FCK komst auðveldlega áfram í dönsku bikarkeppninni í kvöld er það sótti Frederica heim og vann, 0-3.

Sölvi Geir Ottesen var eini Íslendingurinn í byrjunarliði FCK en þeir Rúrik Gíslason og Ragnar Sigurðsson sátu á bekknum allan tímann.

Jón Guðni Fjóluson og Ari Freyr Skúlason voru báðir í byrjunarliði Sundsvall og léku allan leikinn er þeirra lið tapaði á heimavelli gegn Gefle, 0-1, í sænsku úrvalsdeildinni. Ari Freyr fékk að líta gula spjaldið í leiknum.

Sundsvall er að busla í neðri hlutanum eða í 13. sæti af sextán liðum.