Alþjóðagjaldeyrissjóðurinn áætlar að það muni taka áratug fyrir heimsmarkaðinn að ná sér eftir efnahagshrunið. Þetta sagði helsti hagfræðingur sjóðsins í samtali við ungverska fjölmiðla í gær.
Efnahagsvandi evruríkjanna, skuldavandi Bandaríkjanna ásamt þeim hægagangi sem ríkir í efnahag Kína, mun orsaka dýpri lægð í efnahagsmálum heimsins.
Alþjóðagjaldeyrissjóðurinn fundar í Tókíó í næstu viku en þar verður skuldavandi evrusvæðisins ræddur.
