Veiði

Stóra-Laxá endaði í 673 löxum - megninu sleppt

Veiðimenn slepptu 85 prósent aflans í Stóru-Laxá í sumar og vonast er eftir góðri hrygningu.
Veiðimenn slepptu 85 prósent aflans í Stóru-Laxá í sumar og vonast er eftir góðri hrygningu. Mynd / Björgólfur Hávarðsson
Alls veiddust 673 laxar í Stóru-Laxá í Hreppum á tímabilinu sem lauk núna um mánaðarmótin. Segist nýr leigutaki árinnar afar ánægður.

"Ég er mjög ánægður með útkomuna þar sem almennt var tregveiði á Íslandi," segir Árni Baldursson, eigandi Lax-ár, á vef fyrirtæksins.

Árni segir marga stórlaxa hafa skilað sér úr Stóru-Laxá í sumar. 85 prósent af öllum veiddum laxi úr ánni hafi verið sleppt.

"Það er veiðimönnunum sem hafa verið svona rausnarlegir við ánna okkar að þakka að von er á frábærri hrygningu Stóru-Laxá í haust," segir Árni á lax-a.is.

gar@frettabladid.is

Stangveiði

Mest lesið




×

Mest lesið