Lenovo veltir Hewlett-Packard úr sessi

Kínverski tölvuframleiðandinn Lenovo hefur velt Hewlett-Packard úr sessi sem stærsti framleiðandi á einkatölvum í heiminum.

Þetta kemur fram í tölum sem rannsóknarfyrirtækið Gartner hefur sent frá sér. Tölurnar sýna að á þriðja ársfjórðungi ársins framleiddi Lenovo 13,8 milljónir af tölvum á móti rúmlega 13,5 milljónum hjá Hewlett-Packard.

Fram kemur hjá Gartner að þessi mikla sala hjá Lenovo skýrist einkum af miklum verðlækkunum á tölvum þeirra undanfarna mánuði.

Samanlagt standa þessir tölvuframleiðendur að baki nær þriðjungi af allri sölu á einkatölvum í heiminum.