Buffon er hvergi nærri hættur

Hinn 34 ára gamli markvörður Juventus, Gianluigi Buffon, stefnir á að spila með Juventus að minnsta kosti í þrjú ár í viðbót.

Hann kom til félagsins frá Parma árið 2001 og er löngu orðinn goðsögn hjá Juve. Sjálfur vill hann hvergi annars staðar vera.

"Ég er búinn að eyða tólf árum í þessum búningi en vonandi er ævintýri mínu hjá Juventus ekki lokið. Ég vil vera að minnsta kosti í fimmtán ár hérna,2 sagði Buffon á Facebook-síðu sinni.

Buffon hefur ekki náð að vinna Meistaradeildina með Juve en komst þó í úrslit árið 2003.